眼前所见，尽系混沌无边。
范冰喺阴郁中跌跌撞撞行紧，唔知自己由边度嚟，亦唔知自己要去边度。
佢只记住自己已经死了，俾人挖咗对眼出嚟，割走条舌，斩断四肢，心脏仲俾铁钉贯穿...
唔係啊！佢系畀由细玩到大嘅好姐妹整蛊施咒，自己亲手拗断咗自己个颈。
都唔啱嘞！佢系畀上门嚟耀武扬威嘅小三推落楼梯，虽然仲有啖气喎，点知俾衰男贱乸浸咗落海。
无数嘅记忆好似天山雪崩咁，带住排山倒海嘅威力涌入范冰个脑入边，佢唔觉意就屈低身体捂实个头。
漆黑嘅深处突然传出一阵阵嘈吵嘅人声，范冰强撑起身四周张望，赫然发现自己周围满布住无数幅画面。
车辗、马踏、枪击、溺水、活埋、落油镬、点天灯、腰斩、凌迟...
无数种死法，无数具尸首。画面入边嘅主角只得一个，就系范冰自己。
画面喺眼前盘旋，范冰只感到自己个心口似系快要畀愤怒同埋怨恨爆开。但係佢睇唔到仇家嘅样貌，净系有啲恶形恶状嘅声喺佢耳边回响。
“我究竟係边个？我点解会死嘅？”范冰痛楚地将头埋响双臂之间。
一只细细嘅手轻轻噉搭响范冰头顶，一股冰凉刺骨嘅感觉随住呢只手传来，好似一桶冰水兜头淋落嚟，瞬即蔓延至全身。
范冰禁唔住打咗个冷震，但係同时亦冷静落嚟。呢只冰冷嘅手，俾佢有种熟悉同安心嘅感觉。
佢抬头望过去，只见一个模模糊糊嘅灰色身影，轮廓显现出嚟好似个身材高大嘅男子，不过五官定係着装嘅细节，全部都睇唔清楚。
“你係边个？”范冰忍不住问咗一句。
灰色嘅影子静默咗一阵，悠然道：“我系澜沧。”
佢嘅声音极度飘忽，清澈之中带住磁性。
“你识我嘅？”
“係嘅。”
范冰企起身，向澜沧所在位置行咗几步。但係无论行几远，佢同澜沧之间永远保持住一段固定嘅距离。
“但我唔记得你……”范冰冇晒气，停咗落黎，“我觉得我好似係识你嘅，但我真系乜都唔记得嘞。”
澜沧嘅身影好似淡化咗好多，讲嘅声音更加虚无缥缈：“你想搵翻记忆嘅嘅咩？”
范冰抬起头，双眼闪烁如星：“梗系啦，我想知自己由边度嚟，经历过啲乜嘢嘢，见过啲乜嘢人……我想知，自己系咩类型嘅人。”
“有一個機會。”澜沧嘅身影几乎消失晒，“但係好艰难。”
“我唔惊！就算几艰难都好，我都一定要去做。我唔想继续呢种迷迷糊糊嘅生活。”范冰望住澜沧几乎消失嘅身影，唔知点解，心口痛得好似快要裂开咁。